काठमाडौं । कैलालीको गौरीगंगा नगरपालिका–९ मसुरियामा सोमबार साँझ बसले ठक्कर दिँदा एक जनाको मृत्यु भएको छ ।
मृत्यु हुनेमा स्थानीय ८४ वर्षीय हर्कबहादुर बम रहेका छन् ।
सुपप्र ०१–००१ क २४६४ नम्बरको बसले ठक्कर दिँदा सडकमा बाटो काट्दै गरेका बमको मृत्यु भएको प्रहरीले जनाएको छ ।
प्रहरीका अनुसार उनको सोमबार राति धनगढीको निसर्ग अस्पतालमा उपचारका क्रममा मृत्यु भएको हो ।
बस र चालक गौरीगंगा नगरपालिका–९ का ४५ वर्षीय नारायणबहादुर भण्डारीलाई प्रहरीले नियन्त्रणमा लिएको छ ।
