काठमाडौं । बुटवल उपमहानगरपालिका(७ दिपनगरमा स्कुटर दुर्घटना हुँदा एक किशोरको मृत्यु भएको छ ।
मृत्यु हुनेमा गुल्मीको मदाने गाउँपालिका–६ घर भई हाल बुटवल उपमहानगरपालिका–१३ बेलबास बस्ने १९ वर्षीय शिशिर कुँवर रहेका छन् ।
दिपनगरको कमलपोखरीबाट हाटबजारतर्फ जाँदै गरेको लु ९४ प ४८०६ नम्बरको स्कुटर अनियन्त्रित भई पल्टिँदा उनको मृत्यु भएको प्रहरीले जनाएको छ ।
दुर्घटनामा गम्भीर घाइते भएका कुँवरको बुटवलस्थित लुम्बिनी प्रादेशिक अस्पतालमा उपचारको क्रममा मृत्यु भएको हो ।
घटना बारे थप अनुसन्धान भइरहेको प्रहरीले जनाएको छ ।
