काठमाडौं । क्यानडालाई हराउँदै अर्जेन्टिना कोपा अमेरिकाको फाइनलमा प्रवेश गरेको छ ।
बुधबार बिहान सम्पन्न पहिलो सेमिफाइनल खेलमा क्यानडालाई २–० ले हराउँदै अर्जेन्टिना फाइनलमा प्रवेश गरेको हो ।
खेलको २३ औं मिनेटमै जुलियन अल्भारेजले गोल गर्दै अर्जेन्टिनालाई सुरुआती अग्रता दिलाएका थिए । त्यसपछि ५१ औं मिनेटमा कप्तान लिओनल मेसीले गोल गर्दै अर्जेन्टिनालाई २–० को जित दिलाए ।
अब अर्जेन्टिनाले उपाधिका लागि उरुग्बे र कोलम्बियाबीचको विजेतासँग खेल्ने छ ।
